معوض خير ياقلبي

معـــوّض خير ياحيٍ تهقـوى في الزمـان ومـال سنينــك لو رقيـــت بعدلهـا يطرحـك مايلهـا تعلّم وإعرف إن الدرب قدامك سهل وجبـال جبـــال تطولهـا وجبـال بعيونـك تخايلـهـا ومعوّض خير ياحـيٍ وردت الماء بدون حبــــــــال يطول بك الوقــوف وشربة المـاء ما تحصّلهـا وقوفك عند راس البير مايسقيك لـو فنجــال ولاينفعــك شوف الجمـه اللـي منـت طايلهـا ومعوّض خير ياحيٍ خدعـك من الرجال أشكـال تشوف أشكالها وتحطها أرفــــع مـن منازلهـا تعلّم من زمانك لا تصير مـن أجهــل الجهـال ترى في كل يـوم تجيـك عبــره لاتجاهلهـا إذا ربي وهـب لك عقـل تلقى في الرجال رجـال تعرف اللـي يطلّــع قيمتـك واللـي ينزلهـا ترى من بعض ما يندي الجبين ويحـرج الرجال ليا ســـاق الميانـه فـي نفـــوسٍ ماتقبّلـهـا ومهما شفت في صاحبك من نخــوه وطيبة فال ترى بعض السجايـا كثـرة الإلحــــاح يقتلهـا معاريف الرجال ديـون وديون الرجـال ثقـــــال ليا صرت متعافي ليش تغــرق فـي جمايلهـا رصيــدك في حياتك سمعتـــــــك مع طيبيـن الفـال رجـــــــــال الطيب والمعـروف بالمعـروف عاملهـا ولاتبدي بجاهـــــك فـي مقـامٍ ما يسـر الحـال ولاتشفـــع لنـاسٍ ما تنومـســــــك بفعايلـهـا ليا جاتك تعــــذّرهـا مـدام العـذر لـه مدخـــــــــال ووقت الجــــــــد قـــول لهـا الصحيـح ولاتجاملهـا وخذ منـي نصيحـه لاتصـدق كـل ماينقـال يجرك للنميمـه ليـن يطرحـك بحبايلـهـا يجـــــــــي لك ناقـل النمّـات بهروجٍ تغـث البـال سوالف في قفــــــــاك وحظك أطيب يـوم تجهلهـا يبـرر بالحميـــــــــــــه والصـــداقـه شينـة الأفعـال يجمّــــل صورتـه بعلومـه اللـي ماتجمّلـهـا ولو كانت حميه فيك رد المخطيه فـي الحــــال ولا كان إستمعها فـي قفــاك وجــاك شايلهــــــــــا ترى من جـــاب لك ودّى وهذي عـادة النقــــــــــال يحـــاول يقتنص من فمك كلمـه لأجـل ينقلهـا ومثل ماقال عندك راح عنك وعند غيرك قــــال وزوّد عشـــر فوق الكلمه اللـي كنـت قايلهـا تجنّب مجلســــــــــــــه لاتجلس إلا مع كريــــم خصـال تحمّــــل ميلتـه وإن ملـت ميلتـك يتحمّلهـا ولا تصبر على الجــــــار الردي لوهي ثلاث ليـال تضـرك جيرتـه لو كـان بيبانـك تقفلـهـا وبيــــــع الدار بأول ســــومةٍ تعرض علـى الـدلال ورزقـــــــك عنـد ربٍ كاتـب اللقمــــــه وكافلهـا وبنتك لاتزوجها الــــــــردي لو هـو كثيـــــر المـال تربيهـا علـى الطـالات وتشـــــــــوّه سلايلهـا وكم من لاش يـــــــــــــرمي خيبة إبنه فوق راس الخال لو إن الخـــــــــــال من روس الرجال ومـن دلايلهـا ليا منك عرفـت تميّـــــــــــــــــز الطيّـب مـن البطـال وفادتك التجـــــــــــــارب في الحيــــــــاة وفـي مسايلهـا وكشفت الفـــــــــــرق ما بين الصحيح وحيلة المحتـال وتعلمت الفراســــــــــــــه في الوجيـه اللـي تقابلهـا بعد هـذي ترى مالك غنى عن صحبــــــة العقّـال يدلونـك بـرايٍ ينقـض الدعـــــــــــوه ويفتلهـا يقولون الرجال اللي سوالفهـم حِكـــــــــــــــــــــــــــــــــــــم وأمثـال ليا من ضاعت الحيلـه يــدل القــــــــــــوم عاقلهـا نصيحة واحـــــــــــــــــدٍ جرّب وشاف من الزمان اهـوال يقدّم لـك خلاصــــــــــــــــــــــــة هرجـةٍ جـرّب هوايلها ..